SHBA, plani mbi emigracionin

Kongresit, sipas Shefit te Shtepise se Bardhe, iu krijuan te gjitha mundesite te dilte me nje propozim te tijin dhe deshtoi. Komentet e presidentit amerikan pasuan raportet e ‘New York Times’ dhe ‘Fox News’ se Obama ka ndermend te zgjeroje mbrojtjen nga deportimi, nisme kjo qe do te prekte gati 5 milione emigrante pa dokumenta te rregullta, nje pjese e te cileve prinder rezidentesh te ligjshem amerikane.

Republikanet ne Kongres argumentojne se nje veprim i tille shkon pertej autoritetit te Obames. Shefi i Shtepise se Bardhe gjen mbrojtje tek argumenti se Dhomes se perfaqesuesve iu dha mbi nje vit kohe per te paraqitur nje projektligj mbi emigracionin dhe nuk e beri.

“Kongresi ka pasur raste plot per te miratuar nje projektligj bipartizan i cili do te forconte kufijte e vendit, do te permiresonte sistemin e emigracionit e do te nxirrte miliona vete nga hijet ku jetojne.  Une e kam deklaruar hapur se nese kongresi deshton te veproje, atehere do te perdor te gjithe autoritetin tim te ligjshem ne funksion te perpjekjeve per ta bere sistemin te punoje sa me mire. Dhe kjo do te ndodhe perpara fundit te vitit”, theksoi Obama.

Senati amerikane e aprovoi ne 2013-ten paketen e reformave ne emigracion, por Dhoma e Perfaqesuesve nuk e dha driten jeshile. Republikanet kerkojne bashkepunim e siç tha kryetari i Dhomes se Ulet, John Boehner, do te luftojne dhemb per dhemb me presidentin nese vazhdon te ndjeke rrugen e nisur. Per kritiket, reforma do te kishte kosto shume te larte, edhe pse mjaft eksperte besojne se ajo do ta zgjeronte ekonomine amerikane.

Presioni i presidentit për reforma në politikat e imigracionit filloi vitin e kaluar menjëherë pas kapërcimit të frikes se nje krize te re financiare dhe rihapjes së qeverisë.

Top Channel