Tarantino: Pas filmit të 10 tërhiqem

Ai e ka bërë këtë gjatë një bashkëbisedimi mbi filmin e tij të ardhshëm “The Hateful Eight”, që do të shfaqet së shpejti në kinematë amerikane.

“Më pëlqen fakti që do të lë një filmografi me 10 filma, që do të thotë se më duhen edhe dy para se të tërhiqem. Nuk e kam gdhendur në gurë këtë, por ky është plani im”, ka thënë producenti i cituar nga portali Deadline.

“Nëse arrij deri tek filmi i dhjetë, bëj një punë të mirë dhe nuk i prish gjërat, atëherë do të jetë një mënyrë e mirë për t’i dhënë fund karierës”, ka shtuar ai.

Megjithatë, Tarantino nuk e përjashton mundësinë e rikthimit edhe pas filmit të dhjetë. “Nëse më vonë më lind ideja për një film të mirë unë nuk do ta lë atë pa bërë vetëm sepse thash se do të ndalem”, ka vijuar regjisori.

Aktori Kurt Russell, që ndodhej pranë tij në bashkëbisedimin me gazetarët, i tha: “Ti nuk e ke seriozisht këtë, apo jo? Unë nuk dua ta besoj”.

“Epo, bën mirë ta besosh, sepse producentët e vjetër lënë një trashëgimi më të vogël dhe unë timen nuk dua ta shkurtoj”, u përgjigj Tarantino.

Top Channel