Thiago Silva: I mërzitur që nuk jam më kapiten
17/11/2014 00:00
Pëlqehet nga Milani, ish-trajneri i Realit pranë rikthimit në Angli 24/04 16:29
Thiago Silva ka deklaruar se fakti që trajneri Dunga i ka hequr shiritin e kapitenit te kombëtarja braziliane e ka shqetësuar shumë. Tekniku i Seleçaos ia ka dhënë rolin e kapitenit sulmuesit Neymar pa u këshilluar aspak me atë që ka qenë kapiten nga viti 2011 deri në Botërorin e vitit 2014.
“Jam i mërzitur. Më duket sikur më kanë hequr diçka që më përkiste”, tha lojtari i Paris Saint Germain.
Qendërmbrojtësi shpjegoi se as Dunga dhe as Neymar nuk kanë folur me të për këtë çështje.
Thiago Silva u kritikua shumë në Botëror, sidomos për sjelljen e tij gjatë goditjes së 11-metërshave në 1/8 e finaleve, ku Brazili u përball me Kolumbinë. Kapiteni i atëhershëm u nda nga shokët e skuadrës, qau para se të niste goditja e penalltive dhe i kërkoi trajnerit të godiste i fundit 11-metërshin, madje edhe pas portierit Julio Cesar.
Top Channel
Top Channel/Rithemelimi denoncon provimin e Magjistraturës: Kualifikoi studentët që janë prurje e PS
Top Channel/ Shkuan për peshkim, por u përballën me dallgë të larta, shpëtohen dy burrat në Shëngjin
