Në “luftë” kundër Photoshop-it

Kjo është Jennifer Aniston. Aktorja sapo ka mbushur 45 vjeç dhe në rolin e saj të fundit për filmin “Cake” (Torta), gjatë gjithë skenave shfaqet e pagrimuar. Aniston jo vetëm që shmangu vendosjen e çdo lloj elementi grimues në fytyrë, por zgjodhi gjithashtu të shfaqet me ngjyrën e flokëve të saj natyral.

Dhe, me këtë zgjedhje origjinale, ajo ka ndryshuar tërësisht pamjen e saj. Aktorja madje është shprehur se, duke shkuar çdo ditë në shesh xhirim e pagrimuar, është ndjerë mrekullisht mirë, kaq ëndërrimtare dhe shumë e çliruar.

Në një intervistë për “Vanity Fair”, ajo është shprehur se e ka shijuar shumë lirinë e një roli pa “make-up”, sepse kështu është edhe vërtetësia e jetës. “Si gra, ne e ndiejmë se na duhet të jetojmë çdo ditë me të papriturat, edhe kur shkojmë para kamerave, edhe kur shkojmë për në supermarket”, shprehet Aniston.

Me këtë pamje, padyshim që ne shohim Jenniferin në një version krej ndryshe, por gjithsesi ajo duket e bukur.

Keira Knightley, aktorja e famshme e Hollivudit, gjithashtu ka shprehur një qëndrim të sajin për imazhin e gruas. Ajo ka zgjedhur të pozojë “topless” pa Photoshop, duke protestuar kështu ndaj zgjedhjeve komerciale për të shitur imazhin e gruas për diçka që nuk ekziston në të vërtetë.

“Unë mendoj se trupat e grave janë një fushëbetejë, ku fotografi është pjesërisht fajtor në këtë krim”. Aktorja e filmit “Imitation Game” u fotografua për një intervistë në muajin gusht, por vetëm ditët e fundit ajo zbuloi se, shkrepjet e Patrick Demarcherlier ishin një protestë kundër imazhit jo real, në të cilin po vendoset sot gruaja, veçanërisht përpara syve të publikut.

Është e qartë që në këtë kopertinë, Keira nuk ka zbukluar gjoksin e saj me qëllimin për të joshur meshkujt. E fuqishme? Po. E fortë? Po. Feministe? Absolutisht po.

Dhe në modë nuk ka rregulla – thotë artisti Christopher Williams. Gjatë prezantimit të linjës së produkteve të lumturisë “The Production Line of Happiness”, në një ekspozitë në Muzeun e Artit Modern në Nju Jork, ai ka paraqitur fotografinë e një gruaje të veshur me të brendshme transparente, me shputat e këmbëve të papastra dhe me një pamje qartësisht të dukshme për syrin, e pa prekur nga Photoshopi.

“Gjithçka mund të serviret si një imazh fantazie, mjafton ta vendosësh në kontekstin e duhur”, thotë Williams. Shumë nga fotot e tij janë të kompozuara specifikisht që të duken si reklama, por me një prekje fine.

Top Channel