SHBA, ndahet nga jeta ish-kryebashkiaku i Uashingtonit
23/11/2014 00:00
Ministrja gjermane: G7 duhet t’i përgjigjet sulmit të Iranit kundër Izraelit 18/04 22:35
Ish-kryebashkiaku i Uashington DC, Marion Barry, i cili arriti të rizgjidhej edhe pas një arresti për drogë, ka ndërruar jetë në moshën 78-vjeçare.
Barry, një demokrat, shërbeu për 3 mandate nga viti 1979 deri në 1991, përpara se sa jeta e tij private të errësonte karrierën politike.
Ai u arrestua pas një operacioni të FBI-së dhe u gjykua në vitin 1990 me akuza për drogë, por u dënua vetëm për një prej akuzave, atë të zotërimit.
Ai mbeti sërish popullor mes shumë votuesve të varfër afro-amerikanë, si dhe shërbeu në mandatin e fundit mes viteve 1995 dhe 1999.
Barry ka ndërruar jetë gjatë natës në një spital të Uashingtonit, tha një zëdhënëse e Këshillit të DC, LaToya Foster. Shkaku i vdekjes nuk është bërë i ditur, por raportohet se ai kishte probleme në veshka për shkak të diabetit dhe tensionit të lartë.
Arrestimi i tij në vitin 1990, që u krye gjatë mandatit të tretë të tij, erdhi pas një videopërgjimi të FBI-së, teksa e kapën atë duke pirë kokaikë në një dhomë hoteli së bashku me një mikeshën e tij.
Top Channel
