BSH, interesi zbret në 2.25 përqind
26/11/2014 00:00
500 mijë turistë në mars/ Në vend të parë, turistët patriotë nga Kosova! Të dytët, italianët
25/04 19:54
Këshilli Mbikëqyrës i Bankës së Shqipërisë vendosi të ulë normën bazë të interesit në një tjetër rekord historik, nga 2.5 në 2.25%.
Ky vendim, sipas bankës, synon të krijojë kushte më të mira për financimin e aktivitetit ekonomik për konsum dhe investime private.
Sipas bankës, kërkesa e ulët për financim është reflektuar në ecurinë e brishtë të kredidhënies, duke bërë që sinjalet pozitive të muajve të verës për një rigjallërim të kredisë të mos konfirmohen edhe për muajin shtator.
Teprica e kredisë për sektorin privat shënoi rënie nga një muaj më parë dhe një ngadalësim të rritjes vjetore në nivelin 2.1%.
Rigjallërimi i kredisë pritet të jetë gradual dhe në përputhje me rimëkëmbjen e aktivitetit ekonomik.
Këshilli Mbikëqyrës thotë se politika monetare do të vazhdojë të mbetet në kahun stimulues edhe gjatë tremujorëve në vazhdim.
Top Channel
