Filipinet kërcënohen nga supertajfuni “Hagupit”

Stuhia vdekjeprurëse kishte rrënuar ndërtesën ku jetonin më shumë se 12 anëtarë të familjes së tij, por edhe rreth 1 mijë shtëpi të tjera në zonën përreth qytetit Tacloban të Filipineve. Të gjitha rajonet periferike ishin përfshirë nga grumbuj balte dhe mbeturinash. Ndërsa më shumë se 6 mijë vetë mbetën viktima.

Gjatë pjesës më të madhe të këtij viti, kjo familje e shpenzoi kohën në rindërtimin e shtëpisë së tyre, mes dhimbjesh por edhe me leksione të nxjerra nga ajo ngjarje, duke e ngritur shtëpinë me beton tashmë, ndryshe nga shtëpia e drunjtë që kishin pasur. Puna ende nuk ka përfunduar, por në horizont shfaqet një tjetër kërcënim.

Një tjetër superstuhi e fuqishme, “Hagupit”, po afrohet Filipineve në të njëjtën pjesë perëndimore të Oqeanit Paqësor, aty ku goditi edhe “Haiyan”-i 13 muaj më parë. Për banorët e Taclobanit dhe rajonet përqark, paralelet e hequra mes tyre janë tejet shqetësuese.

“Jam më shumë se sa i nervozuar, sepse kam kaluar pasoja të tmerrshme nga ato që solli ‘Yolanda’”, tha 23-vjeçari Agujero, duke iu referuar “Haiyan”-it me emrin në gjuhën e Filipineve. “Nuk e di se çfarë do të ndodhë në të ardhmen, nëse godet një tjetër supertajfun”.

E megjithatë ende nuk është bërë e ditur qartësisht se nga do të kalojë “Hagupit”-i. Disa pashikues thonë se do të ketë të njëjtën rrugë si “Haiyan”-i, duke u përplasur në rajonet përreth Taclobanit përgjatë fundjavës. Disa të tjerë thonë se tajfuni mund të ashpërsohet së tepërmi përpara se të arrijë tokën, e më pas të drejtohet për nga veriu, apo në brigjet lindore të Filipineve.

Raportimet e fundit thonë se, gjatë së enjtes, supermarketet, bankomatet dhe stacionet e gazit janë bllokuar nga radhët e gjata të njerëzve. Qeveria lokale dhe organizatat e ndihmës së shpejtë po bëjnë përgatitjet e fundit për të vepruar në rast emergjence.

Edhe pse dielli ndriçonte bindshëm në qiejt sipër Taclobanit, askush nuk i beson më tani. Ndërkohë që organizata të ndryshme humanitare kanë nisur edhe evakuimet.

Sa i përket forcës së supertajfunit, raportohet se në oqean ajo po shfaqet tepër e fuqishme, me erëra prej 287 kilometrash në orë, ekuivalente e një stuhie të kategorisë 5, sipas Qendrës së Paralajmërimit të Tajfuneve të ushtrisë amerikane.

Top Channel