Marrëveshjet me Britaninë, Tahiri kërkon shkurtimin e procedurave për kërkimin azililit
05/12/2014 00:00
119 të dënuar lirohen sot nga burgu i Fierit! Sa të burgosur kanë përfituar ulje dënimi nga Amnistia Penale 24/04 14:07
Shqiperia dhe Britania nënshkruan të enjten në mbrëmje në Londer një
memorandum bashkëpunimi kundër trafikimit të qënieve njerezore.
Ministri i Brendshëm, Saimir Tahiri ne takimin me homologen e tij britanike Teresa May, kerkoi edhe shkurtimin e procedurave te trajtimit te kerkesave per azil nga azilkerkuesit shqiptar dhe theksoi angazhimin e Shqiperise per zbatimin e marreveshjes se ripranimit te azilkerkuesve qe kthehen nga Britania.
Top Channel: Zoti Tahiri, sa keni mbaruar me ministren May. Keni nënshkruar edhe një marrëveshje për antitrafikun. Cilat janë detajet e kësaj marrëveshjeje?
Tahiri: E sigurova ministren për angazhimin tonë në luftën kundër trafikimit të qenieve njerëzore dhe për reformat që kemi ndërmarrë, si nga pikëpamja e forcimit të kontrollit në kufi, ashtu dhe nga pikëpamja e përcaktimit të protokolleve të standardizuara për identifikimin dhe luftën kundër viktimave të mundshme të trafikimit. Ashtu siç i bëra me dije rezultatet tona të deritanishme në luftën kundër krimit të organizuar, luftën kundër kultivimit të lëndëve narkotike, luftën kundër territorizmit.
Top Channel: Në Britaninë e Madhe ka një numër të madh shqiptarësh që vijnë ende dhe kërkojnë azil. Çfarë i kërkuat homologes tuaj britanike për përshpejtimin e shqyrtimit të kërkesave të tyre, të atyre që vijnë në Britani të Madhe që kërkojnë azil politik?
Tahiri: Shfrytëzoj këtë rast për ta bërë me dije dhe për t’i bërë thirrje qytetarëve shqiptarë që të frenohen nga çdo iniciativë për të shkelur në vendet e Bashkimit Europian me kërkesa për azil sepse nuk do të pranohen. Nga ana tjetër i kërkova ministres të shkurtojmë procedurat e trajtimit të kërkesave për azil pasi zgjatja në kohë e përpunimit të procedurave dhe e verifikimit shërben si një lloj ftese për ata që duan, qoftë edhe të kalojnë atë periudhë kohe që është shkurtimi i kërkesës, ta kalojnë në Britaninë e Madhe apo në vendet e tjera të Bashkimit Europian. Ministrja më siguroi që janë duke i parë procedurat e vlerësimit të kërkesave për azil nga Shqipëria, me qëllim klasifikimin e Shqipërisë, si një vend nga i cili nuk priten kërkesat për azil dhe shkurtimin e kohës së procedurës, në mënyrë që ne të procedojmë menjëherë me rikthimin e shtetasve që vijnë dhe kërkojnë azil në mënyrë të paligjshme në Britaninë e Madhe.
Top Channel
