“The Voice”, nis dueli i skuadrave dhe konkurrentëve

Janë sërish trainerët ata që vendosin se cilin do të mbajnë në skuadër. Në natën e parë të fazës ‘live’ nuk pati konkurrentë të eliminuar.

Se kë do të kthejnë në shtëpi prej skuadrës së tyre, trajnerët do ta vendosin në fundin e natës së dytë, pasi të jenë ndjekur dhe performancat e tjera.

Mbrëmjen e kaluar pati një sërë pikash të forta, duke nisur nga e ftuara Rona Nishliu, numrat e përgatitur nga trajnerët për dy nga 4 konkurrentët që sollën në sfidë për natën e parë, duke përfunduar me këngën përshëndetëse që Genci Salihu, i cili e kishte përgatitur bashkë me skuadrën e tij.

Nuk munguan as elementet spektakolare, batutat, por edhe debatet mes anëtarëve të jurisë, sidomos për këngën e fundit të natës. Sfida mes konkurrentëve deri në finale pritet të jetë e mbushur me të papritura, pasi formula surprizë do të ketë çdo të premte, deri në natën finale të “The Voice”.

Top Channel