Deputeti i qarkut të Vlorës, Arben Ristani takoi banorët e ish-kabinave të plazhit në qytetin bregdetar.
Përveç kushteve të këqija të jetesës, këto familje vuajnë edhe mungesën e energjisë elektrike, sepse OSHEE e ka ndërprerë linjën për shkak se prej vitit 2007 ata nuk e paguajnë energjinë.
Ristani në takimin me banorët u premtoi atyre se do të kenë përkrahjen dhe vëmendjen e opozitës nëse problemi i tyre nuk gjen zgjidhje.
Ndërkohë, banorët kanë kundërshtuar vendimin që i penalizon ata me ndërprerjen e energjisë.
“Dritat nuk vijnë më këtu. Unë me çfarë do t’i paguaj? Nuk kemi as punë e as lekë”, u ankua një banore gjatë takimit me deputetin.
Familjet e penalizuara protestuan duke thënë se nuk kanë as matës të energjisë elektrike.
Top Channel