“Maksi është qëlluar me plumb në gjoks. Është shtrirë pa ndjenja dhe po humbet shumë gjak. Mendoj se po vdes!. Po më sulmon një person i tretë”.
Kjo ishte telefonata në adresë të policisë në qytezën South Shields në Angli që alaramoi policinë dhe shërbimet e emergjencave, që menjëherë u vunë në lëvizje me automjete dhe dy ambulanca për të mbërritur në vendin e ngjarjes.
Por në vend të një skene krimi policia dhe emergjencat gjetën një të fiksuar pas lojërave elektronike që kishte telefonuar për të raportuar vdekjen e karakterit të tij në lojën e famshme, GTA.
Shakaja e hidhur e David Helens nuk u kapërdi mirë dhe ai u denoncua në gjykatë për aktin në fjalë. Ai pranoi se në fillim të nëntorit ka telefonuar policinë, por nuk e mbante mend saktë bisedën që kishte zhvilluar.
David, që vuan prej kohësh nga humbja e dëgjimit në njërin vesh dhe shikimit në njërin sy, u dënua me 120 orë punë sociale dhe 18 muaj nën vëzhgim.
Top Channel