“The Interview” siguron 15 milionë dollarë nga shkarkimet

Filmi është shkarkuar mbi 2 milionë herë deri më 27 dhjetor, duke bërë që kompania të sigurojë një të tretën e buxhetit të shpenzuar, plot 44 milionë dollarë.

Filmi, që bën fjalë për një komplot fiktiv për vrasjen e liderit koreano-verior Kim Jong un, më herët gjatë muajit ishte tërhequr nga shfaqja në kinema për arasye sigurie.

Prodhimi kinematografik kishte acaruar Korenë e Veriut që akuzohet se kreu një sulm elektronik ndaj serverëve të “Sony”.

Sulmi, i marrë përsipër nga një grup i identifikuar si “Gardianët e Paqes”, çoi në rrjedhjen e informacioneve sekrete të “Sony”, përfshirë skriptet për filmat e rinj, email-et private dhe rrogat e aktorëve.

Për pasojë, kompania ndaloi shfaqjen e filmit në ekranin e madh pas kërcënimeve, ende të paspecifikuara ndaj kinemave amerikane.

Byroja Federale e Hetimeve, FBI, kreu një hetim mbi sulmin informatik dhe e drejtoi gishtin ndaj Koresë së Veriut. Nga ana e saj, qeveria e Penianit e mohoi përgjegjësinë, por e cilësoi sulmin si “një akt të drejtë heroik”.

“Sony” informoi të dielën përmes një njoftimi se filmi ishte i gatshëm në Shtetet e Bashkuara dhe Kanada përmes shërbimeve të Google, si YouTube dhe Play, Xbox Video dhe në vetë website-n e filmit në version HD, ku mund të merrej me qera brenda 48 orëve për 5.99 dollarë, ose mund të blihej për 14.99 USD.

Vetëm nga tre ditët e para në shitje, kompania siguroi 15 milionë dollarë fitime.

Top Channel