Përdhunuesi serial kërkon dënimin me vdekje, Belgjika ja mohon

Belgu Frank Van den Bleeken ka kaluar 30 vite të jetës së tij në burg me akuzat e ngacmimit seksual, përdhunimit dhe në një rast edhe vrasjes. Mjekët thonë se ai vuan nga një çrregullim psikologjik i pakurueshëm dhe raporti i tyre ishte përcaktues në vendimin e gjykatës për ta dënuar përjetë në një institucion psikiatrik atë.

Belgjika është njëri prej tre vendeve europiane që lejojnë eutanazinë për të sëmurët termalë. Por Van den Bleeken ishte i pari i burgosur që bën një kërkesë të tillë, në 12 vjet histori të ligjit. Ai argumentonte kërkesën e vet me çrregullimet mendore ‘që nuk e linin të bënte një jetë normale’.

Kërkesa e tij u miratua nga Komisionin Federal i Eutanazisë në muajin shtator, pas vitesh kërkesash ku i kërkonte shtetit që ta ndihmonte t’i jepte fund jetës së vet.

Megjithatë, të martën Ministri i Drejtësisë urdhëroi që të mos vazhdohet me procedurën e eutanazisë, që do kryhej më 11 janar dhe transferimin e Van den Bleenken në një institutcion tjetër psikiatrik me mjekë më të specializuar.

Top Channel