Francë, përfundon pengmarrja, autori i armatosur vetëdorëzohet
16/01/2015 00:00
Aktpadi ndaj 11 republikanëve që deklaruan në mënyrë të rreme se Trump i fitoi zgjedhjet në Arizona në vitin 2020 25/04 07:23
Përfundon pengmarrja disaorëshe në një zyrë postare në rrethinat e Parisit.
Pengmarrësi i armatosur dhe i dyshuar me probleme mendore, mori peng tre persona por dorëzua pas negociatave me policinë.
Nuk u regjistrua asnjë person i lënduar nga kjo pengmarrje e armatosur.Ngjarja ndodhi 10 kilometra në veriperëndim të Parisit paraditen e të premtes.
Policia nuk bëri ndonjë lidhje mes kësaj pengmarrje dhe akteve terroriste, që ndodhën javën e shkuar në Francë e që shkaktuan panik në mbarë vendin.
Ngjarja vjen vetëm pak pas mobilizimit të autoriteteve belge që goditën një celulë ekstremiste islamike, e cila po përgatiste sulme kundër forcave lokale të sigurisë.
Sipas të dhënave të fundit, të dyshuarit si militante kishin ndërmend të rrëmbenin një polic ose një gjykatës e t’i prisnin kokën, ndërsa ekzekutimin do ta filmonin e do ta hidhnin online.
Operacionet policore thuajse të njëkohësishme në Francë, Belgjikë e Gjermani kanë evidentuar frikën se të rinj europianë që kane luftuar në krah të militantëve të ISIS-t apo Al Kaedës në Lindjen e Mesme, mund të kthehen me qëllimin të organizojnë sulme ndaj objektivave perëndimore.
Top Channel
