Rastet fatlume të daljes nga koma të njerëzve të famshëm në botë

Por, çfarë ndodh në të vërtetë me ata që hyjnë në gjendjen e pavetëdijes dhe që nuk reagojnë ndaj stimujve të dritës, tingujve apo dhimbjes? Mbase nuk mund të dimë atë që ndodh me njerëzit e zakonshëm, por ama njerëzit e njohur të botës, të cilët e kanë përjetuar komën, i kanë rrëfyer ndjesitë e tyre.

Aktori i njohur kanadez, Donald Sutherland, hyri në koma në vitin 1970 pas një meningjiti kurrizor. Këngëtari amerikan, Jackie Wilson, humbi ndienjat në skenë në 1975-n dhe qëndroi në koma për afro nëntë vjet. Ai nuk pati kurrë një rikuperim të plotë.

Tupac Shakur (2Pac) ra në koma, pasi u qëllua me armë zjarri në 7 shtator 1996. Ndërsa aktori i mirënjohur amerikan, Erik Roberts, e përjetoi atë pas një aksidenti me makinë.

Johnny Cash hyri në koma pas një sëmundjeje, që dëmtonte nervat e trurit. Në një intervistë për Larry King, ai pati deklaruar: Qëndrova në koma për 12 ditë. Mjekët mendonin se kisha vdekur dhe nuk e kuptonin çfarë po ndodhte me mua. Më në fund zbuluan që vuaja nga sindroma “shy drager”.

Komediani dhe aktori amerikan, Burt Reynolds, qëndroi në koma për 8 orë, pasi kishte konsumuar qetësues kundër dhimbjeve. Ai tregoi se gjatë eksperiencës kishte dëgjuar mjekët, që i thonin njëri-tjetrit: Ky djalë s’do t’ia dalë mbanë.

Jayceon Taylor, reperi dhe aktori amerikan i njohur me emrin e artit “Game”, qëndroi 3 ditë në koma, pasi e plagosën rëndë disa shpërndarës droge. “Ndjesia e komës është e njëjtë me atë të verbërisë”, pati deklaruar ai.

Saksofonisti amerikan i “Jazz”-it, Stan Getz, qëndroi gjithashtu 3 ditë në koma, si pasojë e përzierjes së disa lloj drogave me alkoolin. “Kur dola nga koma, mendova se Zoti nuk kish dashur të më vrasë. Ai thjesht më dërgoi një paralajmërim”, – tha ai gjatë një interviste.

Aktori dhe komediani amerikan, Martin Lawrence, e përshkroi qëndrimin e tij treditor në koma, nga përdorimi i madh i drogave, si diçka shumë të rëndësishme. “Më mësoi se sa shumë duhet vlerësuar jeta”, u shpreh ai.

Këngëtari legjendar amerikan, Steve Wonder, ka kaluar 4 ditë në koma, pas një aksidenti me makinë. “Gjatë komas isha në një vend shpirtëror shumë më të mirë, se sa bota ku jetoja më parë. Aty e pashë si do të ishte e ardhmja ime”, – deklaroi ai në intervistën e parë dhënë pas ngjarjes.

Kitaristi amerikan, Jerry Garcia, qëndroi 5 ditë në koma, nga një koma diabetike. Përjetova ndjesi shumë të çuditshme gjatë gjendjes së pavetëdijes që kalova”, deklaroi Garcia.

Këngëtari Ozzy Osbourne ka qëndruar plot 8 ditë në koma, si pasojë e sindromës “Parkin”, shumë i ngjashëm me sëmundjen e Parkinsonit. “Gjatë komas shihja shumë drita, por jo ëngjëj e gjëra të tlla”, – tha Osbourne.

Aktorja e famhme hollivudiane, Sharon Stone, ka qëndruar 9 ditë në koma pas një hemorragjie. “Gjendja që kalova la aq shumë shenjë në jetën time shpirtërore, saqë mendoj se pas saj nuk jam më e njëjta”, – deklaroi ajo.

Motoçiklisti amerikan, Evel Knievel, qëndroi 29 ditë me radhë në koma, pas një gare të rrezikshme. Kur e pyetën si u ndie, ai u përgjigj: “E si dreqin ta di? Isha në koma!”

Aktori amerikan, Gary Busey, kaloi 33 ditë në koma, pas një aksidenti me motor: “Isha i rrethuar nga ëngjëj. Por jo nga ato ëngjëj që shihni në kartolinat e Krishtlindjes. Ishin ëngjëj që mbanin në duar topa të shndritshëm të ndriçuar, plot dashuri dhe ngrohtësi”, – tha Busey.

Top Channel