Benedict Cumberbatch: Prindërit nuk donin që të bëhesha aktor
23/01/2015 00:00
Orlando Bloom tregon si ra në dashuri me Katy Perry: Muzika e saj dëgjohej kudo, por ajo mbeti vajza e njëjtë nga Santa Barbara 20/04 16:48
Benedict Cumberbatch ka zbuluar se prindërit e tij aktorë nuk donin që ai të ndiqte një karrierë në kinematografi, por të bëhej avokat.
“Aktrimi është i çuditshëm, i çmendur dhe nuk është një punë me orar fiks. Kur je aktor është shumë e vështirë të planifikosh jetën familjare e për këtë arsye prindërit e mi punuan shumë që unë të merrja arsimin e duhur për t’u bërë avokat”, tregoi aktori britanik, i cili duke ndjekur hapat e prindërve të tij ka bërë zgjedhjen e duhur pasi javën e kaluar u nominua për çmim Oscar si aktori më i mirë falë interpretimit të tij në filmin ‘The Imitation Game’.
38-vjeçari kujton edhe episodin që e bindi të bëhej aktor: “Pasi më pa në një pjesë në Universitetin e Mançesterit, babai më tha në makinë se unë isha më i mirë se ai në aktrim, gjë që është diçka e madhe për babain t’ia thotë djalit të tij.”
Top Channel
