Dobësohet euro. Reagojne tregjet financiare

Me shume se 5 vjet nga fillimi i krizes se euros pikerisht ne Greqi tetorin e 2009-tes, nje ngerç qe vuri ne pikepyetje vete mbijetesen e monedhes se perbashket, votuesit greke e refuzuan haptazi shkurtimin e rrepte te shpenzimeve dhe rritjen e taksave te imponuara nga Europa si menyre per te shlyer detyrimin qe e shpetoi vendin nga skamja.

Ndikimi mbi euron ishte i menjehershem: monedha unike rreshqiti ne nivelin me te ulet te nje dekade mengjesin e sotem ne tregjet aziatike, ndersa tregu grek i aksioneve pati renie me 5%.

Votuesit greke zgjodhen t`ia dorezojne pushtetin liderit te ri karizmatik 40-vjeçar, Alexis Tsipras, edhe pse shume pak, vetem dy vende ne parlament, e ndane nga mundesia e qeverisjes pa partnere koalicioni.

Per Tspiras, me voten e djeshme, Greqia le pas masat shkaterruese anti-krize ashtu sic le pas edhe 5 vjet dhimbje e poshterimi. Per lideret europiane si kryeministri britanik David Cameron, ky rezultat zgjedhor nuk do te beje gje tjeter veçse do te rrise pasigurine ekonomike.

Lordi i thesarit, George Osborne shkoi edhe me tej me pohimet se Syriza, zor se do te arrije t`i vere vertet ne jete premtimet e saj, te cilat jane nder te tjera edhe te papajtueshme me kerkesat aktuale te Eurozones ndaj vendeve anetare.

Fitorja e paralajmeruar e Tsiprasit ishte megjithate befasuese si per nga shkalla e saj, ashtu dhe per nga impakti. Ne ditet qe jetojme, mazhorancat nje partiake jane teper te rralla ne sistemet parlamentare europiane e keto vitet e fundit, fenomene te tilla nuk kane vene vetem ne Hungari e Sllovaki nen drejtimin e lidereve te fuqishem te se majtes e se djathtes.

Por triumfi i nje partie te re si Syriza, te patestuar ndonjehere me pare ne pushtet, deshmoi qarte se 5 vite zbatimi te bindur te rregullave fiskale ne Europe, e kthyen politiken kokeposhte, thote ‘The Guardian’ dhe padyshim ky vendim ndeshkues popullor eshte nje sinjal per te gjithe eliten politike te Bashkimit Europian.

Top Channel