Ambasadori Donald Lu viziton Elbasanin, njihet me zonat historike
29/01/2015 00:00
Dritëhijet e amnistisë! Vonesa prej magjistratëve dhe mungesa e listës zyrtare nga burgjet, ILD nis verifikimet
26/04 19:34
Ambasadori amerikan Donald Lu ka vizituar qytetin e Elbasanit, në daljen e tij të parë nga Tirana. Ai u prit nga kryetari i Bashkisë në një takim ku është diskutuar për qytetin e Elbasanit dhe zhvillimin e tij në të ardhmen.
Ambasadori Lu tha se zgjodhi Elbasanin në vizitën e tij të parë nisur nga historiku i këtij qyteti: “Jam shumë i kënaqur që udhëtimin tim të parë jashtë kryeqytetit e bëj në Elbasan. Historia e pasur e Elbasanit dhe bukuria e tij janë të mirënjohura.”
Kreu i Bashkisë së Elbasanit, Qazim Sejdini, theksoi: “E falenderoj ambasadorin që zgjodhi Elbasanin. Biseduam për problemet e qytetit, planet e mëtejshme, zgjedhjet dhe shumë probleme të tjera të përditshme. E kam thënë që Elbasani do të ndryshojë në këto 4 vite.”
Më pas, ambasadori amerikan dhe kryetari i Bashkisë së Elbasanit kanë zhvilluar një vizitë në qytet për t’u njohur nga afër me historikun e tij.
Ata u ndalën fillimisht në Monumentin e Arsimit e më pas kanë vijuar pranë rrënojave të bazilikatës në zonën e Bezistanit në qytetin e Elbasanit.
Ambasadori Donald Lu është njohur me historinë e patriotit Aqif Pasha si dhe ka vizituar ambientet e brendshme të kalasë otomane dhe lagjen brenda saj.
Top Channel
