Zgjohet në funeralin e vet dhe nis të qajë
30/01/2015 00:00
Studim/ Zbuloni sa fëmijë duhet të keni që të jeni të lumtur 24/04 08:20
Një 45-vjeçar që mjekët e deklaruan të vdekur 3 muaj pasi u paraqit në gjendje të rëndë shëndetësore ‘u zgjua’ në funeralin e vet dhe nisi të qajë.
Guo Liu nga provinca Hubei në Kinë humbi ndjenjat teksa ishte duke pirë me miqtë në një lokal 3 muaj më parë. Ata e shoqëruan me shpejtësi në spital ku mjekët thanë se kishte pësuar një hemoragji cerebrale të rëndë.
Disa ditë më parë, stafi i spitalit telefonoi bashkëshorten e tij 40-vjeçare për t’i thënë që bashkëshorti i saj kish ndërruar jetë.
Familjarët dhe miqtë e tij organizuan varrimin. Por pikërisht në momentin e përcjelljes së fundit, brenda arkmortit ata dëgjuan disa goditje. E hapën dhe ajo çfarë panë ishte e pabesueshme. Guo Li ishte gjallë dhe nisi të qajë.
Familjarët e shoqëruan me shpejtësi në spital ku mjekët po e mbajnë në vëzhgim intensiv. Ata thonë se nuk kanë parë kurrë më parë një gjë të ngjashme dhe shtojnë se me shumë mundësi aftësia për të folur, kujtimet dhe lëvizshmëria e 45-vjeçarit janë dëmtuar rëndë nga goditja që ka pësuar.
Top Channel
