Ushtria ndan ushqime e veshmbathje për banorët e evakuuar në Fier dhe Vlorë
02/02/2015 00:00
Skandali në Fiks Fare/ “Vdes për p… dhe lekë”, avokati i kërkon favore seksuale klientes, bashkëpunon me ish-burrin e saj
25/04 20:42
Pas kërkesës së Prefekturave Vlorë, Berat, Gjirokastër dhe Fier, si dhe Drejtorisë së Emergjencave Civile, Forcat e Armatosura janë angazhuar për t’iu ardhur në ndihmë banorëve në zonat e përmbytura.
Ushtria aktualisht është e pranishme me trupa dhe automjete transporti në fshatin Novoselë, thotë zyra e shtypit e Ministrisë së Mbrojtjes.
Ndërkohë që, përveç shpërndarjes me ndihma ushqimore ndaj popullsisë, ushtria ka evakuuar 15 persona në fshatin Poro të Vlorës dhe disa të tjerë në Fitore e Novoselë.
Deklarohet se gjithsej janë evakuuar 222 persona dhe disa mjete civile nga Forcat e Armatosura. Gjithashtu thuhet se Forcat e Armatosura janë në gatishmëri me mbi 250 ushtarë në terren dhe me 30 mjete transporti, si dhe mjete të tila si motobarka e gomone.
Top Channel
