Bashkia: Rehabilitimi “zbuti” Lumin Tirana

Sipas nënkryetarit të Bashkisë, Enno Bozdo ka qene projekti i nisur nga Bashkia e Tiranes për rehabilimin e lumit që shpëtoi nga përmbytjet këta banorë.

“Konstatojmë me shumë kënaqësi që për shkak të punimeve të kryera, që në fakt janë vetëm gjysma e punimeve, për herë të këtë vit ne nuk do të kemi përmbytje të qindra shtëpive, siç ka ndodhur zakonisht me lumin e Tiranës kur dilte nga shtrati. Kjo është në saj të projektit dhe punës së bërë nga Bashkia e Tiranës, bashkë me kompaninë përkatëse, e cila deri më sot ka investuar 7 milionë euro nga paratë e veta për të ngritur argjinaturat, për të bërë mbrojtjen e parë dhe më pas mbrojtjen e dytë për të shmangur një katastrofë njerëzore”, tha Bozdo.

Nënkryetari thotë se projekti tanime ka mbetur ne mes dhe se firmat e kontraktuara kane nderprere punen, si per zgjatimin e bulevardit, ashtu dhe per rehabilitimin e Lumit Tirana.

“Puna e kompanisë dhe ky projekt i madh i Bashkisë së Tiranës, ashtu si edhe projekti i Bulevardit është lënë përgjysmë, kjo sepse ministri i Financave, me urdhërin politik që ka marrë për të bllokuar Bashkinë e Tiranës në çdo projekt dhe në çdo mënyrë, ende nuk ka depozituar firmat pranë Fondit Abu Dhabi, në mënyrë që të bëhet shlyerja dhe pagesa e punimeve. Firma përkatëse këtu, por edhe ajo kompani që punon tek bulevardi i Tiranës kanë lënë punën e tyre përgjysmë, duke lënë pa punë 2 mijë punëtorë, ose ndryshe 2 mijë familje shqiptare”, tha Bozdo.
 
Nenkryetari i Bashkise i kerkon Prokurorise te pershpejtoje procedurat per kallezimin penal te bere ndaj ministrit Shkelqim Cani, i cili sipas Bozdos, duke zbatuar urdhra politike ka penguar projekte te rëndësishme ne dobi te qytetarëve të kryeqytetit.

Top Channel