Sam Raimi dhe Gil Kenan risjellin horrorin e ‘Poltergeist’
04/02/2015 00:00
Dyshja e njohur Ashanti dhe Nelly së shpejti prindër 20/04 09:04
Një nga klasikët e horrorit të viteve ’80 do të kthehet sërish në ekranin e madh të kinemasë. Bëhet fjalë për ‘Poltergeist’, film që do të ketë regjinë e Gil Kenan dhe producent Sam Raimi.
Ashtu si filmi origjinal i vitit 1982, në filmin e ri do të jetë në qendër një familje prej 3 personash: babai, nëna dhe vajza. Ata shpërngulen në një shtëpi të vjetër në periferi dhe shumë shpejt zbulojnë se diçka nuk shkon me banesën e tyre të re.
Vajza 8-vjeçare shumë shpejt do të tërhiqet në një botë tjetër nëpërmjet televizorit, por në ditët moderne ekranet e televizorëve janë shumë më të mëdhenj, që do të thotë se shpirtrat kanë më shumë mundësi të rrëmbejnë vogëlushen.
Sam Raimi tha për ‘USA Today’: “Filmi origjinal jepte mesazhin se televizioni po na i shkatërron fëmijët. Sot, me celularë dhe tableta në duar, ekranet janë kudo.”
Filmi horror do të shfaqet për herë të parë në korrik të këtij viti.
Top Channel
