Prezantohet Guvernatori i Bankës së Shqipërisë
06/02/2015 00:00
“Forbes” përzgjedh Shqipërinë në listën e vendeve të paprekura nga turizmi masiv, nga fermat te shtigje e rafting, ja itinerari që sugjeron 23/04 11:01
Gentian Sejko u prezantua paraditen e së premtes si Guvernatori i ri i Bankës së Shqipërisë. Në ceremoninë e prezantimit ishte i pranishëm edhe kreu i Kuvendit, Ilir Meta.
“Do të punojmë së bashku për të përballuar sfidat e kohës dhe për të forcuar rolin e Bankës së Shqipërisë”, tha zoti Sejko gjatë prezantimit.
Guvernatori i ri i Bankës së Shqipërisë, Gent Sejko, u votua dje nga Parlamenti me 105 vota pro, 3 kundër dhe 4 abstenim, në një votim të fshehtë që nuk u shoqërua me asnjë debat.
Votimi për emrin e propozuar nga Presidenti i Republikës, ashtu siç pritej nuk u shoqërua me asnjë surprizë, pasi Genti Sejko mori mbështetjen e të dyja palëve edhe në Komisionin e Ekonomisë kur u zhvillua seanca dëgjimore.
Genti Sejko merr detyrën pas skandalit të vjedhjes së 713 milionë lekëve në Thesarin e Shtetit, qe u pasua me shkarkimin e Ardian Fullanit nga detyra e Guvernatorit. Për këtë shkak në detyrat që Sejko ka paraqitur si synim të tij, kthimi i besimit tek institucioni dhe rritjen e transparencës tek Banka e Shqipërisë.
Top Channel
