Incidenti në Ferras, Veliaj: U bllokuam nga rrugaçë
09/02/2015 00:00
Aksident i rëndë në Lushnjë/ ‘Audi’ humb kontrollin gjatë parakalimit, plagosen dy persona 23/04 21:13
Një ditë më parë, një grup të rinjsh bllokuan në rrugë automjetin me të cilin po lëvizte në zonën e përmbytjes në Ferras shefi i Emergjencave Civile, Shemsi Prençi, dhe ministri Erjon Veliaj.
Katër të rinj u ndaluan nga policia e Fierit për incidentin dhe në mbrëmje u liruan.
Ndërkohë që drejtuesit lokalë të PD-së reaguan duke thënë se ata që bllokuan rrugën ishin banorë. Edhe sekretari i përgjithshëm i PD-së, Arben Ristani, kërkoi lirimin dhe para Drejtorisë së Policisë së Qarkut Fier pati një protestë deri në lirimin e të ndaluarve.
Të dielën në mbrëmje, ndërsa ndodhej në Darzezë, ministri Veliaj ka reaguar për incidentin: “Isha nisur për të vizituar tre vajzat që u shpëtuan para disa ditësh. Po ktheheshim për të parë nevojat e asaj familjeje, kur u bllokuam nga aktivistë të Partisë Demokratike. Unë besoj se partia e njerëzve të ndershëm, e atyre që janë bërë solidarë, atyre që ndihmojnë në terren dhe vullnetarëve lokalë, është një parti shumë më e madhe se partia e disa rrugaçëve që bllokojnë rrugët. Do vazhdojmë punën pa bredhur me eskorta dhe pa u fryrë si gangstera.”
Top Channel
