Rusia kundër SHBA: Armët në Ukrainë, luftë e hapur

Këtë deklaratë bëri para Komisionit të Politikave të Jashtme në Parlamentin Europian deputeti rus, Alexei Pushkov, i njohur si një ndër mbështetësit më të fortë të Putin, e njëkohësisht më me ndikim në Kremlin.

Pushkov, i cili ndodhet në listën e personave ndaj të cilëve Shtetet e Bashkuara kanë vendosur sanksione, tha se qendrimi i Moskës nuk do të ndryshojë sa i takon Krimesë.

Deklarata e tij cilësohet si një reagim ndaj deklaratës së presidentit Obama i cili në fund të takimit me kancelaren Merkel në Uashington tha se administrata e tij ende po shqyrton mundësinë e dërgimit të armëve luftarake në ndihmë të ushtrisë ukrainase.

Edhe pse ka nënvizuar se Ukraina ka të drejtën e saj të mbrohet, ai ka shtuar se Shtetet e Bashkuara dhe Gjermania janë “plotësisht dakord” dhe inkurajojnë një zgjidhje diplomatike për krizën. Ndër të tjera Obama ka bërë të ditur se qeveria amerikane do të vazhdojë me vendosjen e sanksioneve ndaj Rusisë, të cilat së fundmi kanë prekur edhe zv/ministrin rus të Mbrojtjes.

Reagimi i presidentit amerikan erdhi pasi kancelarja gjermane Merkel udhëtoi për në Uashington, për të prezantuar planin e paqes në Ukrainë, të cilin javën e kaluar e diskutoi me presidentët Hollande dhe Putin.

Top Channel