F1, Alonso: Pas tre garave të para do të vendosim objektivin
11/02/2015 00:00
Vendosi të qëndrojë te Barcelona, zbulohet arsyeja pse Xavi ndryshoi mendje 25/04 11:48
Fernando Alonso ka deklaruar se problemet që McLaren-Honda ka pasur në testimet parasezonale do të bëjnë që para tre garave të para të mos jetë i qartë objektivi i kësaj skuderie.
Në një intervistë ekskluzive për Hondën, piloti spanjoll tha: “Tre garat e para do të jenë provim për ne. Do e nisim sezonin pa një objektiv të qartë. Më parë duhet të shohim se sa kompetitivë do të jemi në garat e fillimsezonit.”
Alonso shtoi se vetëm pasi të shohin rezultatet e këtyre garave, McLaren-Honda do të vendosë objektivin, i cili sipas ish-pilotit të Ferrarit mund të jetë edhe titulli kampion.
“Duam ta fitojmë kampionatin, është e qartë. Kam ardhur këtu për të fituar. Nuk e dimë nëse do e fitojmë që në sezonin e parë, në të dytin apo të tretin. Shpresoj që të ndodhë sa më shpejt”, theksoi Fernando Alonso.
Top Channel
