Shqipëria, anëtare e Konventës së Hagës. Mbron të drejtat e të miturve, zgjidh kujdestarinë e fëmijëve

Kjo konventë përbën një instrument bashkëpunimi mes shteteve pjesëmarrëse, për të marrë masa për të miturit deri në 16 vjeç. Ajo synon kthimin e shpejtë të fëmijëve që largohen, apo mbahen “pa të drejtë”, drejt vendit të tyre.

Sipas përkufizimit, “mbajtja e padrejtë” i referohet shkeljes së të drejtave nga të caktuarit si “kujdestar”, qoftë individ apo institucion shtetëror.

Në shumicën e rasteve, kjo konventë përdoret për të zgjidhur mosmarrëveshjet mbi kujdestarinë e fëmijëve te çiftet e divorcuara, kur nëna dhe babai kanë shtetësi të ndryshme. Sipas raportueses, Heidi Hautala, shumë shtetas të BE-së janë me origjinë shqiptare dhe ky miratim siguron mbrojtjen e fëmijëve të komunitetit shqiptar.

Bashkimi Europian ka kompetenca ekskluzive në këtë fushë, siç dhe është konfirmuar nga Gjykata e Drejtësisë së BE-së. Por, konventa nuk parashikon veprime autonome të organizatave ndërkombëtare, ndaj Këshilli u bëri thirrje vendeve anëtare për të pranuar në territoret e tyre hyrjen në fuqi të konventës, për rastet që përfshijnë BE-në dhe Shqipërinë.

Përgatiti: Arta TOZAJ

Top Channel