Obama reagon ndaj kritikave të Erdogan: Vrasjet, brutale dhe mizore

Në një deklaratë të tijën, Obama thotë se askush në Shtetet e Bashkuara nuk duhet të bëhet objektiv i sulmeve për “atë çfarë paraqesin” apo “kë adhurojnë ata”.

Komentet e tij vijnë pas kritikave të presidentit turk, Recep Tayyip Erdogan për heshtjen e deritanishme të presidentit Obama.

Ndërkohë që i dyshuari është arrestuar, policia është ende duke hetuar motivet e vrasjeve, kjo për shkak se familjarët e viktimave pretendojnë se ishte një krim prej urrejtjes fetare. FBI ka nisur një hetim veçmas për këtë çështje.

Deah Shaddy Barakat, bashkëshortja e tij Yusor Mohammad dhe motra e saj Razan Mohammad u gjetën të vdekur gjatë mbrëmjes së të martës në shtëpinë e tyre pranë Universitetit të Karolinës Veriore, ku Barakat ndiqte studimet për stomatologji.

Craig Hicks, një fqinj i studentëve, akuzohet për vrasjen e tyre, që fillimisht u dyshua për një konflikt për parkimin.

Top Channel