Maqedoni, BDI kërkon ndërhyrjen e ndërkombëtarëve në krizën politike
15/02/2015 00:00
Zgjedhjet në Maqedoninë e Veriut, Bujar Osmani: Jam thellësisht i nderuar dhe i përulur nga besimi dhe mbështetja juaj 25/04 13:15
Bashkimi Demokratik për Integrim ka përsëritur kërkesën për ndërmjetësim
ndërkombëtar në dialogun midis LSDM-së dhe VMRO-DPPMNE-së lidhur me
rastin “Puç” dhe aferën e përgjimeve.
Përfaqëuesit e BDI-së, vlersojnë se ndërmjetësim i ndërkombëtarëve është i domosdoshëm për shkak të mosbesimit që kanë qytetarët, por edhe vet BDI-ja, ndaj sistemin gjyqësor. BDI-ja gjithashtu fton LSDM-së që të kthehet në Kuvend ku siç thekson do të gjej partneritet tek BDI-ja.
“Vendi i LSDM-së është në kuvend ku do të gjejë partner tek BDI-ja. Ndërsa, lideri i BDI-së ftoi edhe Brukselin zyrtar që të përforcon ekipin ndërmjetësues midis VMRO-DPMNE dhe LSDM edhe me ekspert që do ta kishin monitoruar procesin në rastin “Puç” për arsye se rezervat e qytetarëve për gjyqësorin janë të mëdha, përfshirë edhe të Bashkimit Demokratik për Integrim”, thuhet në komunkatën e BDI-së pas takimit që kreu i kësaj partie pati me një grup deputetësh të Bundestagut gjerman.
Në komunikatën e BDI-së thuhet se për ta fituar besueshmërinë dhe kredibilitetin nga të gjitha palët e përfshira në këtë aferë kaq të madhe, Brukseli duhet sa më shpejtë të delegojë një ekip të fuqishëm politik dhe ekspertësh.
Top Channel
