Sulm me eksploziv drejtorit të burgut të Bënçës
17/02/2015 00:00
Mesnatën e kaluar është sulmuar me lëndë eksplozive automjeti i drejtorit të burgut të Bënçës në Tepelenë.
Sipas burimeve policore zyrtare, ngjarja ndodhi rreth orës 23 e 19 minuta, në lagjen “15 Shtatori” të qytetit të Tepelenës.
Në garazhin ngjitur me banesën në katin e parë, automjetit të shtetasit A.S dyshohet se i është hedhur nga jashtë një sasi lënde plasëse.
Si pasojë e shpërthimit të lëndës në fjalë është dëmtuar pjesërisht automjeti i zyrtarit. Për fat të mirë nga shpërthimi nuk ka pasur të lënduar.
Top Channel