Uashington DC, qyteti i radhës që legalizon marijuanën
26/02/2015 00:00
Çfarë po ndodh me Andrew Tate dhe të vëllanë, pritet gjykimi në Rumani për trafikim 27/04 00:02
Uashington DC është bërë vendi i fundit në Shtetet e Bashkuara që legalizon zotërimin në sasi modeste të marijuanës.
Që nga kjo e enjte, personat që përdorin substancën në fjalë privatisht nuk do t’u duhet të kenë frikë nga ndjekja penale.
Uashington DC bashkohet kështu me Alaskën, Koloradon dhe shtetin e Uashingtonit si të vetmet vende në SHBA që lejojnë përdorimin e marijuanës për qëllime mjekësore.
Banorët dhe vizitorët e qytetit mbi moshën 21 vjeç mund të zotërojnë deri në 56 gramë kanabis dhe mund të rrisin pak bimë në ambjentet shtëpiake.
Gjithësesi, blerja dhe shitja e drogës mbetet ilegale, ashtu sikurse mbetet përdorimi i saj në publik. Vendimi i fundit u arrit përmes një referendumi të mbajtur nëntorin e kaluar.
Por votimi ringjalli tensionet mes zyrtarëve lokalë dhe Kongresit. Uashington DC, një rajon federal dhe jo shtet, duhet të kërkojë aprovimin nga Kongresi për këtë ndryshim në legjislacionin e tij.
Në një letër dërguar të martën, dy anëtarë të Kongresit paralajmëruan kryetaren e bashkisë Muriel Bowser se, do të kryente një shkelje të ligjit të Shteteve të Bashkuara nëse proçedonte me vendimin.
Ata deklaruan se buxheti kombëtar i miratuar në dhjetor parandalon legaliziimin e marijuanës në Uashington.
Por zonja Bowser dhe zyrtarë të tjerë vendorë janë të mendimit se legalizimi është ende i vlefshëm duke qenë se u aprovua nga votuesit para se Kongresi të miratonte pr/buxhetin.
Top Channel
