Turqi, qeveria ashpërson ligjet për demonstratat
28/02/2015 00:00
Bie çmimi i naftës ndërsa zbutet tregu i punës në Shtetet e Bashkuara 25/04 07:55
Qeveria turke planifikon prezantimin e një ligji të ri shumë të rreptë për demonstratat, duke e bërë opozitën të druhet se në këtë mënyrë, Ankaraja është duke hedhur një tjetër hap drejt shtetit policor.
E ashtuquajtura “paketë për sigurinë e brendshme” përmban më shumë se 100 ndryshime legjislative.
Ekzekutivi i kryeministrit Ahmet Davutoglu kërkon të zgjerojë kompetencat e policisë gjatë arrestimeve dhe kontrolleve.
Të dyshuarit në demonstrata do të mbahen në të ardhmen në arrest deri në 48 orë, para se të nxirren para një gjyqtari apo prokurori.
Drafti parashikon gjithashtu dënimin me disa vite burg të protestuesve që mbulojnë fytyrën me shall.
Top Channel
