ISIS po fshin historinë, në rrezik qyteti antik në Irak
06/03/2015 00:00
Gjyshja bën transplantin e parë të veshkës së derrit të kombinuar me një pompë zemre mekanike! Si është gjendja e saj
25/04 13:56
Arkeologët dhe historianët kanë lëshuar alarmin; ISIS po fshin historinë. Sipas tyre, militantët ekstremistë po shkatërrojnë qytetin antik asirian të Nimrudit në Irak.
Qyteti antik ndodhet pak kilometra në jug-lindje të Mosulit dhe konsiderohet si një ndër pasuritë më të mëdha historike të njerëzimit.
Në këtë zonë ndodhen një sërë monumentesh që datojnë që nga shekulli i 13-të para Erës Sonë, ndaj të cilave ISIS po përdor varretë dhe buldozerët për t’i rrënuar plotësisht.
“Po fshijnë historinë tonë”, thotë arkeologu irakian Lamia al-Gailani.
Për ISIS statujat dhe monumentet antike janë ‘idhuj falsë’ që nuk duhet të adhurohen dhe duhen prishur.
Shumë arkeologë e krahasojnë përpjekjet e ISIS-t për të shkatërruar monumentet e mëdha historike të Nimrudit në të njëjtin nivel me vandalizmin kulturor të talebanëve në vitin 2001 kur shkatërruan skulturpat e ngritura në shkëmb të Budës.
Top Channel
