TAP, ndihma për familjet e komunitetit rom të përfshira nga përmbytja
06/03/2015 00:00
119 të dënuar lirohen sot nga burgu i Fierit! Sa të burgosur kanë përfituar ulje dënimi nga Amnistia Penale 24/04 14:07
Projekti TAP, nëpërmjet organizatës së tij, u ka ardhur sot në ndihmë familjeve të komunitetit rom në fshatin Moravë të rrethit të Beratit, të cilët u përfshinë nga përmbytjet e muajit shkurt.
Ditën e sotme, në bashkëpunim me degën e Kryqit të Kuq Berat, është bërë shpërndarja e ndihmave në fshatin Moravë të komunës Otllak.
Plot 160 familje të komunitetit rom u ndihmuan me ndihma në ushqime dhe batanije, ndërkohë që TAP, gazsjellës që do të shtrihet dhe në Qarkun e Beratit, pritet të jetë financues edhe i një sërë projektesh në këtë zonë.
Përfaqësuesja e Kryqit të Kuq dega Berat, Tatjana Toska u shpreh se kjo ndihmë është në vijim të ndihmave që janë shpërndarë për familjet e përmbytura në këtë zonë.
Top Channel
