OSHEE: Po riparojmë dëmet e shkaktuara nga moti i keq në veri të vendit
08/03/2015 00:00
Ish-ministri Beqaj zbaton masën “detyrim paraqitje”, paraqitet në SPAK 19/04 15:26
Moti i keq në veri të vendit ka dëmtuar linjat 110 kv të Operatorit të Transmetimit dhe 10 kv të Operatorit të Shpërndarjes duke lënë banorët e këtyre zonave pa energji elektrike. OSHEE-ja thotë se po punon për riparimin e dëmeve të shkaktuara, pavarësisht vështirësive që paraqet moti në zona të caktuara me borë deri në 1 metër trashësi, shoqëruar me temperatura të ulëta dhe erëra të forta.
Në gjendje më kritike është rajoni Kukës-Bajram Curri. Në Kukës janë dëmtuar 170 shtylla. Ndërkohë që në qytet gjendja është normalizuar, problem mbeten zonat përreth si Kalimashi, Mamëz, Shënmeri dhe Krumë.
Ndërsa në Tropojë linjat kanë dalë jashtë funksioni në zonat Geg, Hyseni dhe Lekbibaj. Në Shkodër janë dëmtuar 80 shtylla, ndërsa shumë linja furnizimi janë jashtë funksioni kurse në Pukë furnizimi me energji është pjesërisht normal. Problem mbeten zonat Qafë-Mali, Lum-Madh e Iballë, ku 70% e rrjetit ajror është në tokë.
Në Burrel ka kufizim të energjisë në Gollobordë dhe Ostren, ku janë jashtë funksioni 4 kabina që furnizojnë zonat Klenjë, Ostren i Madh, Ostren i Vogël, Radovec dhe Orzhanovë. Mungesë energjie ka edhe në zonat Tërnova e Madhe, Tërnova e Vogël dhe Smollik.
Top Channel
