PDIU, Idrizi mandatohet për negociatat me PS
13/03/2015 00:00
Shtyhet mbledhja e Komisionit të Shëndetësisë, PS propozon draft-planin: Të pyeten të gjithë ministrat e Shëndetësisë prej dhjetorit 2006 23/04 15:42
PDIU mblodhi Këshillin Kombëtar që diskutoi për pozicionin parazgjedhor dhe çështjet organizative të kësaj force politike.
Kreu PDIU-së, Shpëtim Idrizi tha se zgjedhjet e 21 qershorit janë një moment kyç për forcën polititike që ai drejton, të cilën e quajti “pulsin e politikës shqiptare”.
“Ne e kemi qartësuar me këmbëngulje se jemi parti solidare me aleatët tanë, por nuk jemi as zarë e as shtojcë e asnjë force e aleance politike. Është gabimi i atyre që nuk kanë kuptuar se PDIU nuk do të jetë as seksion e as grupseksion i asnjë partie politike”, deklaroi Idrizi.
Unanimisht Këshilli Kombëtar i PDIU-së mandatoi Shpëtim Idrizin për të nisur negociatat me të gjithë faktorët e politikës shqiptare dhe për të vendosur mbi koalicionin për zgjedhjet vendore.
Presidenti i nderit i PDIU-së, Tahir Muhedini shpjegoi se ku do të koinsistojnë negociatat dhe bashkitë e synuara prej kësaj partie politike.
“Kushti ynë i negocimit është se këto 5 bashki, Konispoli, Patosi, Rrogozhina, Peqini dhe Shijaku, i duam. Kjo është pjesa më e madhe e elektoratit tonë dhe do negociojmë sepse kemi dëshirë që këto 5 bashki t’i marrim”, sqaroi Muhedini.
Top Channel
