Forcat irakiane shpresoj të rimarrin qytetin e Tikritit nga Shteti Islamik brenda një jave, një komandant ka thënë për BBC.
Kreu i një prej brigadave të milicisë Shia, e cila lufton përkrah forcave qeveritare, ka thënë se militantët e ISIS kanë ende nën kontroll rreth 70 përqind të qendrës së qytetit.
Megjithatë, bëhet e ditur se ushtria irakiane dhe milicitë kanë rimarrë zonat kyçe, duke përfshirë një post policie dhe një spital.
Muain al-Khmdy, komandant i një brigade ushtarake, tha për BBC se forcat pro-qeveritare do të rrethojnë zonat e mbajtura nga ISIS në qytet dhe pastaj do të sulmojnë, me qëllim për të larguar militantët nga pozicionet e tyre.
Korrespondenti i BBC thotë se në Tikrit gjenden me qindra militantë. Në operacionin e forcave qeveritare marrin pjesë rreth 30.000 ushtarë. Kjo është ofensiva më e madhe e ndërmarrë kundër ISIS-t nga qeveria e Irakut që prej muajit qershor, kur grupi xhihadist pushtoi territore të mëdha në veri të vendit.
Ndërkohë, ka raporte se militantët e ISIS-it kanë përdorur gaz klorin në Tikrit. Sipas trupave qeveritare, sasi të vogla të këtij kimikati janë vendosur në bomba rrugore, që kishin në shënjestër ushtarët e Bagdadit.
Top Channel