Dixhitalizimi, Rama: Shqipëria, avangard

“Kjo kontratë zbaton vendimin e Gjykatës, që i kthen të drejtën kompanisë gjermane, të drejtë të mohuar padrejtësisht në procesin e realizuar nga Qeveria Berisha. Ky vendim gjykate, i jep sigurinë juridike të nevojshme për kompaninë, sipas parimit kushtetues të vazhdueshmërisë të angazhimit të shtetit në marrëdhëniet e tij kontraktuale, ndaj zbatohet plotësisht në përpjekjen tonë të përditshme, për kthimin në vend të shtetit ligjor, në të gjitha hallkat e tij”, tha Harito.

Kreu i Qeverisë, Edi Rama tha, se edhe pse Shqiperia ishte nje vend avangard, në krahasim me shume vende te Europes, ne procesin e dixhitalizimit, fale gjenialitetit te Dritan Hoxhes, sot gjendemi para sfides se konsolidimit te kesaj infrastrukture.

“Shqipëria është një realitet i vogël hapësinor, por është një realitet ku infrastruktura dixhitale nisi të konceptohet dhe të realizohet paralelisht, e madje në shumë raste edhe më shpejt se sa në shumë vende të Bashkimit Evropian, falë gjenialitetit të një individi të vetëm, Dritan Hoxhës, i cili, jam i bindur do të kujtohet gjithmonë në këtë vend, si pioneri i revolucionit dixhital. Sot, sfida jonë, si vend dhe si Qeveri, është sfida e konsolidimit të infrastrukturës dixhitale, që përbën dhe një objektiv të Qeverisë sonë”, tha Rama.

Procesi i dixhitalizimit do te jete i drejte dhe nuk do te kete monopole, tha Kryeministri Rama.

Nje pike e rendesishme eshte zhbllokimi i Radiotelevizionit Shqiptar, i cili prej dy vitesh mbahet peng nga opozita. Rama tha se do te kete ndryshime ne Ligjin e Mediave Audiovizive, pikerisht ne nenit qe lidhet me zgjedhjen e Këshillit te RTSH-së, i cili mbahet si peng e mos arritjes se konsensusit.

“Ne do të propozojmë një ndryshim të ligjit, që garanton mundësinë për konsensus, por që nuk e le TVSH-në peng të mosarritjes së konsensusit. Në rastin e TVSH-së, do ta çlirojmë TVSH-në, nga të qënit viktimë e pamundësisë për të arritur konsensus mes forcave politike”, tha Rama.

Por, ish-ministri i Inovacionit, Genc Pollo, teksa përsëriti retorikën me akuzat e tij për procesin e marrjes së institucioneve të pavarura nga mazhoranca, duke iu referuar edhe AMA-s, rihapi debatin për tenderin e dixhitalizimit të organizuar prej tij, duke kundërshtuar tashmë tenderin si të tejkaluar, për shkak se termat e referencës, por dhe se çmimet në treg kanë ndryshuar.

“Ajo garë, e cila rezultoi e kompromentuar, për shkak se këshilltarët e ofruar nga institucioni përfitues, rezultuan, që, në vend të këshillonin vetëm Autoritetin Publik, këshillonin edhe ofertuesin në garë, i cili rezultoi fitues dhe dje ka nënshkruar kontratën, bashkë me zonjën ministre. Në vend të një gare, moralisht, administrativisht, ndoshta edhe më shumë, është e kompromentuar, pas dy vjetësh do të kishte qenë më e dobishme për interesin publik dhe për xhepin e taksapaguesit, që të rishikoheshin termat e referencës dhe të hapej një garë e re. Në kushtet e rënies së çmimeve, jam i bindur se do të paguhej shumë më pak se sa do të paguajë taksapaguesi shqiptar”, tha Pollo.

Ne pergjigje te verejtjeve te tjera te Pollos, kryetari i AMA-s Genti Sala tha se AMA po zbaton ligjet e institucionit te pavarur, te cilin ai drejton dhe kjo mund te verifikohet mjaft thjesht permes punes transparente te ketij institucioni.
 
“Me plotësimin e vendeve vakante të AMA-s, gjatë muajit nëntor, institucioni ka angazhuar të gjitha burimet e nevojshme, në përmbushjen e detyrimeve ligjore. Eshtë hartuar një plan pune i detajuar, ku parashikohen angazhimet, afatet kohore dhe burimet e nevojshme, për përmbushjen në kohë të objektivave që kërkon ky proces”, tha Sala.
 
Perfaqesuesi i OSBE-së tha se zhvillimi i një procesi me konkurrencë të drejtë e të hapur është shumë i rëndësishëm.

Top Channel