Presidenti Nishani, takime në Tuz të Malit të Zi
24/03/2015 00:00
Beleri kandidat në Greqi për eurodeputet, Babaramo: Figura e ekstremit të djathtë grek, një njeri me 4 klasë shkollë që e flet greqishten copë-copë 18/04 22:46
Në vijim të vizitës shtetërore në Malin e Zi, presidenti i Shqipërisë, Bujar Nishani vizitoi dhe pati takime edhe në komunën Tuz me shumicë shqiptare.
Nishani u prit fillimisht në shkollën 9-vjeçare “Mahmut Lekiç” e më pas u takua me përfaqësues të partive politike si dhe të zgjedhur vendorë.
Presidenti Nishani i informoi të zgjedhurit vendorë për takimet me autoritetet malazeze dhe mesazhet e përcjella.
Duke vlerësuar rolin e komunitetit shqiptar në Mal të Zi, si faktor i rëndësishëm stabiliteti dhe urë lidhëse, kreu i shtetit theksoi se, “gjeti angazhim maksimal e të sinqertë nga drejtuesit shtetërorë për të adresuar kërkesat e pakicës shqiptare”.
Më herët, në takimin me homologun e tij malazez, Filip Vujanoviç, Nishani kërkoi një zgjidhje përfundimtare statusit të Tuzit.
“Zgjidhja përfundimtare e statusit të Komunës së Tuzit do të jetë një hapësirë më e madhe për zhvillim dhe bashkëpunim në të gjithë zonën”, theksoi Nishani.
Top Channel
