Ar atje ku s’ta pret mendja

Megjithatë, ari gjendet kudo në natyrë, edhe atje ku s’i ka shkuar mendja askujt më parë. Një grup shkencëtarësh amerikanë publikuan në takimin e radhës së ACS (American Chemical Society) në Denver punën e tyre kërkimore disavjeçare.

Në këtë studim thuhet se gjurmë të arit dhe të mineraleve të rralla gjenden në feçen njerëzore.

“Ari që gjetëm ishte në nivele minimale, por domethënëse. Ishim të interesuar edhe në mbledhjen e mineraleve të tjera të rralla dhe me vlerë, sidomos të atyre që përdoren në teknologji, si vanadium dhe bakër, që të dy të përdorur masivisht në prodhimin e telefonëve dhe kompjuterëve”, thotë Jathleen Smith nga “Geological Suervey” i Shteteve të Bashkuara.

Smith shtoi se, aktualisht ka nisur puna për gjetjen e një mënyrë për përfitimin e arit dhe metaleve të tjera të rralla nga jashtëqitjet njerëzore, që sipas saj, do të reduktonte koston dhe varësinë e Shteteve të Bashkuara ndaj këtyre mineraleve.

Sipas të dhënave në SHBA, çdo vit hidhet në natyrë një sasi prej 7 milionë ton feçe, gjysma e së cilës shpërndahet nëpër plantacione bujqësore dhe pyje për qëllime bujqësore, ndërsa pjesa tjetër digjet.

Një tjetër studim thotë se nga feçet e 1 milion personave mund të nxirret ar dhe metale të rralla, që mund të kapin vlerën e 13 milionë dollarëve.

Top Channel