Celula xhihadiste, të tjera arrestime në Itali
26/03/2015 00:00
Presidenti Biden, thirrje për miratim të shpejtë të ndihmës për Ukrainën dhe Izraelin 18/04 07:58
Arrestimet e ditës së mërkurë në Torino dhe Shqipëri të tre personave të akuzuar si anëtarë të një celule xhihadiste, nuk janë të vetmet rezultate të operacionit “Balcan Connection”.
Në qytetin e Torinos janë nën hetim edhe dy të rinj të dyshuar si propagandistë të ISIS. Në banesat e tyre janë gjetur materiale kompromentuese që dëshmojnë lidhjen e tyre me celulën që rekrutonte luftëtarë për në Siri.
Ndërkohë ka shkaktuar habi dhe tronditje arrestimi në Torino i të riut shqiptar Elvis Elezi, nipi i Alban Elezit, shtetasi i arrestuar në Kavajë.
Familja nuk pranon që ai të ketë lidhje me propagandën ekstremiste, ndërsa mësuesit e tij shprehen se e njihnin si djalë të integruar tërësisht dhe që nuk ka shkaktuar kurrë asnjë lloj problemi.
Operacioni i kryer në bashkëpunim më autoritetet shqiptare u ilustrua edhe nga ministri i Punëve të Brendshme të Italisë, Angelino Alfano, i cili përgëzoi edhe homologun e tij shqiptar Saimir Tahiri për punën e përbashkët që çoi në suksesin e operacionit.
Top Channel
