Tom Doshi padit Spartak Brahon për shpifje, Gjykata e Lartë hedh shortin për Kolegjin Penal

08/04/2015 00:00

Gjykata e Lartë ka hedhur të mërkurën shortin për padinë e Tom Doshit ndaj Spartak Brahos.

Deputeti i Shkodrës ka akuzuar për shpifje kreun e Komisionit të Sigurisë, pasi Braho hodhi hije dyshimi mbi mënyrën se si Doshi kishte siguruar raportin mjekësor me të cilin justifikoi mungesën e tij në mbledhjen e Komisionit të Mandateve, që do të shqyrtonte kërkesën e prokurorisë për arrestimin e tij.

Shorti përcaktoi këtë Kolegj Penal: Medi Bici, Mirela Fana, Arjana Fullani, Andi Çeliku dhe Artan Zeneli.

Pas hedhjes së shortit, gjyqtari Andi Çeliku ka kërkuar dorëheqjen.

Top Channel