F1, tifozi rrezikon jetën duke kaluar përmes pistës së Shangait
10/04/2015 00:00
Një veprim i çmendur është kryer nga një burrë në provat e lira të Çmimit të Madh të Kinës. Tifozi ka kaluar përmes pistës së Shangait në pjesën e vijës së drejtë, pikërisht aty ku njëvendëshet e Formulës 1 arrijnë shpejtësitë e tyre maksimale.
Personi është ndaluar menjëherë nga policia dhe fatmirësisht nuk u shkaktua asnjë aksident.
Arsyeja e këtij veprimi? Tifozi donte të shkonte në bokset e Ferrarit për të hipur në një nga makinat e kuqe.
Arrivabene, shefi i skuderisë italiane, tha: “Ishte tifoz i çmendur dhe ky veprim tregon se Formula 1 nuk bën dot pa Ferrarin.”
Top Channel