Nis rikonstruksioni i rrugës Berat-Skrapar
10/04/2015 00:00
Fiks Fare/ Infermieri paguhet në shtet pa shkuar në punë, shet ilaçet e një depoje farmaceutike. Favorizohej nga drejtori i QSH Bushat
18/04 20:50
Në rrugën që konsiderohet si më problematike për qarkun e Beratit kanë nisur këtë të premte punimet për rikonstruksionin e saj.
Aksi Berat-Skrapar, në të cilin kalohet për të arritur edhe lagjen periferike të Uznovës, prej vitesh ishte lënë në gjendje të mjeruar. Udhëtarët prej kohësh ankoheshin se vuanin pasojat e një rruge tërësisht të shkatërruar.
Por falë akordimit të fondit të posaçëm nga Ministria e Transporteve, këtë të premte kanë nisur punimet për segmentin e parë nga Uznova në drejtim të fshatit Vodicë.
Segmenti në fjalë, i shkatërruar totalisht edhe nga lëvizja e mjeteve të tonazhit të rëndë dhe pllakave të gurit, pritet të ndryshojë shumë shpejt pamje, ndërsa punimet do të vazhdojnë deri në plotësimin e tërë aksit rrugor, deri në Bashkinë Çorovodë.
Kryetari i Këshillit të Qarkut, Petrit Sinaj deklaroi se, fondi për nisjen e punimeve në këtë segment është 60 milionë lekë.
“Rikonstruksioni i këtij segmenti do të pasohet nga segmenti tjetër, për t’i dhënë fund njëherë e mirë gjendjes problematike të kësaj rruge”, deklaroi Sinaj.
Top Channel
