Turqia, notë proteste Vatikanit pas komenteve të Papa Françeskut
12/04/2015 00:00
Policia gjermane bastis kampin e protestës me tenda pro-Palestinës në Berlin (fotot)
26/04 19:16
Turqia ka reaguar menjëherë pas komenteve të Papa Françeskut, duke thirrur përfaqësuesin e Vatikanit, të cilit i dorëzoi një notë proteste.
Gjatë një shërbese të mbajtur në kishën e Vatikanit, Papa Françesku përdori termin “gjenocid” për të përshkruar vrasjet masive të armenëve nën Perandorinë Osmane gjatë Luftës së Parë Botërore të 100 viteve më parë.
Ndërkohë, gjatë orëve të pasdites, Ministria e Jashtme e Turqisë ka njoftuar se ka thirrur për konsultime ambasadorin e saj në Vatikan.
Armenia dhe shumë historianë pretendojnë se rreth 1,5 milionë njerëz janë vrarë sistematikisht nga forcat osmane në vitin 1915. Ndërsa Turqia e ka mohuar vazhdimisht që ato vrasje të konsiderohen gjenocid.
Ndërkohë, Presidenti i Armenisë, Serzh Sargsyan e përshëndeti komentin e Papa Françeskut, duke e cilësuar si “një mesazh të fuqishëm për komunitetin ndërkombëtar”.
Top Channel
