Obama heq Kubën nga lista e shteteve financuese të terrorizmit
14/04/2015 00:00
Të shtëna në një shkollë të mesme në Teksas, vdes një student! Arrestohet 17-vjeçari 25/04 09:44
Presidenti amerikan Barack Obama heq Kubën nga lista e shteteve financuese të terrorizmit, hap ky i konsideruar si thelbësor në përpjekjet e shefit të Shtëpisë së Bardhë për të normalizuar marrëdhëniet me vendin komunist.
Shtëpia e Bardhë njoftoi në rrjetet sociale se Obama dorëzoi në Kongres dokumentacionin përkatës që sinjalizon heqjen e Kubës prej kësaj liste.
Vendimi përfundimtar, thotë Shtëpia e Bardhë, u mor pas një analize të hollësishme në Departamentin e Shtetit mbi ndikimet e këtij hapi.
Kuba qëndronte prej vitesh në listën e shteteve financuese të terrorizmit. Më heqjen e saj, shtetet që mbeten në këtë listë janë Irani, Siria dhe Sudani.
Në nëntor të vitit të kaluar Obama njoftoi se Shtetet e Bashkuara dhe Kuba do dhe duhet t’i japin fund armiqësive gjysmëshekullore.
Top Channel
