Forumi ndërqeveritar Shqipëri-Serbi, diskutohet për fushat e bashkëpunimit
17/04/2015 00:00
Rama për ‘La Repubblica’: Engjëll Agaçi po baltoset si të ishte kriminel! Përgjigjet e tij nuk u përdorën nga gazetari
24/04 21:57
Shqipëria dhe Serbia kanë mbajtur një forum ndërqeveritar dhe përfaqësuesit e ministrive të ndryshme kanë diskutuar në fushat e turizmit, infrastrukturës, teknologjisë, financave, bujqësisë dhe për mënyrat e bashkëpunimit.
Pas pjesës së tensioneve politike dhe kontakteve të para në të kaluarën, tani është nënshkruar një protokoll bashkëpunimi.
Brunilda Paskali, zv/ministre e Ekonimisë, u shpreh: “Është një eveniment shumë i rëndësishëm, sepse për herë të parë organizohet sesion ekonomik midis dy shteteve tona. Kemi kaluar nga diskutimet dhe bashkëpunimi politik, edhe në fushën e bashkëpunimit ekonomik më të ngushtë dhe të drejtpërdrejtë”.
Është bërë e ditur se një marrëveshje për doganat do të hyjë në fuqi me 1 qershor, kurse është diskutuar edhe për mundësinë e marrëveshjeve në fushën e transportit, mjedisit dhe turizmit. Pritet të ketë edhe takime të tjera pune.
Top Channel
