Shkelën rregullat Shengen, riatdhesohen 58 shqiptarë
21/04/2015 00:00
58 shtetas shqiptarë, që kanë shkelur rregullat e lëvizjes së lirë dhe qëndrimit në vendet e zonës Shengen, u riatdhesuan pasditen e kësaj të marte.
Operacioni i riatdhesimit u zhvillua nga Policia e Shtetit Shqiptar, përkatësisht strukturat e Policisë Kufitare dhe Migracionit, në bashkëpunim me agjensitë ligjzbatuese gjermane dhe FRONTEX.
Nga shtetasit riatdhesuar 16 prej tyre janë kthyer nga Gjermania, 6 prej tyre janë kthyer nga Franca, 12 nga Filanda dhe 24 nga Suedia. Nga këta rreth 35 shtetas ishin me familje.
Të gjithë shtetasit e kthyer janë penalizuar për 5 vjet mos të udhëtojnë drejt vendeve të hapësirës Shengen.
Top Channel