Torino ka mundur 2-1 Juventusin në një derbi spektakolar dhe emocionues. Ishin bardhezinjtë ata që kaluan të parët në avantazh me Andrea Pirlon, i cili në minutën e 35 të takimit shënoi me një goditje dënimi perfekte.
Barazimi për Torinon erdhi në fundin e pjesës së parë me anë të Mateo Darmianit.
Në pjesën e dytë, Pirlo provon sërish, por është shtylla që i mohon golin e radhës. Në minutën e 57, Fabio Quagliarella i jep avantazhin Torinos, duke shfrytëzuar më së miri një krosim të autorit të golit të parë.
Pas këtij goli, ndeshja bëhet edhe më e bukur, me raste nga të dyja skuadrat. Matri godet sërish shtyllën për Juventusin dhe në këtë mënyrë, Torino arrin të fitojë një derbi që nuk e fitonte nga viti 1995.
Në ndeshjet e tjera të javës së 32-të të Serisë A, u regjistruan këto rezultate:
Atalanta – Empoli 2-2
Genoa – Cesena 3-1
Verona – Sassuolo 3-2
Lazio – Chievo 1-1
Parma – Palermo 1-0
Fiorentina – Cagliari 1-3
Napoli – Sampdoria 4-2
Top Channel