Inspektoriati i Lartë i Deklarimit, Kontrollit të Pasurive dhe Konfliktit të Interesit (ILDKPKI) ka gjobitur sot dhe ka dërguar për ndjekje penale 14 zyrtarë, të cilët fshehën ose nuk e justifikuan dot pasurinë e tyre.
Lista e zyrtarëve, sipas njoftimit zyrtar të Inspektoriatit, është si më poshtë:
-Aleks Neçaj, inspektor në Drejtorinë e Përgjithshme të Tatimeve;
-Tomorr Kullolli, gjyqtar në Gjykatën e Elbasanit;
-Lina Vaso, kryetare në Degën Doganore, Sarandë;
-Alma Starova, inspektore në Drejtorinë e Përgjithshme të Tatimeve;
-Halit Xhafa, anëtar i Këshillit Mbikëqyrës, Banka e Shqipërisë;
-Albert Mihaj, inspector në Drejtorinë Tatimore të Tiranës;
-Haxhi Ismaili, përmbarues, Zyra Përmbarimore e Tiranës;
-Afrim Çupi, specialist në Drejtorinë Tatimore, Dibër;
-Admir Behari, inspektor në Drejtorinë Tatimore, Fier;
-Alfred Tusha, përgjegjës në Drejtorinë e Përgjithshme të Tatimeve;
-Dritan Manaj, drejtor në Ministrinë e Zhvillimit Ekonomik, Turizmit, Tregtisë dhe Sipërmarrjes;
-Afrim Bakaj, drejtor i Përgjithshëm i Autoritetit Kombëtar i Ushqimit;
-Kanan Shakaj, kryetar i Komunës Novoselë, Vlorë;
-Besnik Qira, gjyqtar në Gjykatën e Kurbinit.
“Në veçanti, për subjektin Lina Vaso, e cila ka ushtruar funksionin e kryetares së Degës Doganore në Sarandë, pasuria e pajustifikuar me burime të ligjshme e së cilës shkon rreth 1.5 milionë dollarë, i është kërkuar prokurorisë të hetojë edhe për ekzistencën e veprave të tjera penale”, thuhet në njoftimin e Inspektoratit.
Top Channel